உலகச் செய்திகள்

துபாய், மேற்கு ஆப்பிரிக்காவின் மாலி உள்ளிட்ட நாடுகளில் சிக்கித் தவித்த தமிழர்களை மீட்டெடுத்ததோடு, அவர்களின் இல்லங்களுக்கும் நேரில் சென்று குடும்பத்தினரை சந்தித்து ஆறுதல் கூறினார் துரை வைகோ எம்.பி.

கத்தார் ராஸ் லஃப்பான் தொழில்துறை மண்டலத்தில் ஏற்பட்ட விபத்தில் 12 இந்தியர்கள் உயிரிழந்ததில், திருநெல்வேலியைச் சேர்ந்த மூன்று தமிழர்கள் பலியானது வேதனையளிப்பதாக துரை வைகோ தெரிவித்துள்ளார். உயிரிழந்தோரின் குடும்பத்தினருக்கு ஆழ்ந்த இரங்கலையும் ஆறுதலையும் தெரிவித்தார்.

துபாயில் வேலைக்காகச் சென்ற ஐந்து தமிழர்கள் ஊதியம் வழங்கப்படாமல், பாஸ்போர்ட்டும் பறிமுதல் செய்யப்பட்டு தவித்த நிலையில், துரை வைகோ எம்.பி. ஒன்றிய வெளியுறவுத் துறையின் உதவியுடன் அவர்களுக்கு தற்காலிகப் பாஸ்போர்ட் ஏற்பாடு செய்து, பாதுகாப்பாக தாயகம் திரும்ப நடவடிக்கை மேற்கொண்டார்.

ஓமன் நாட்டின் துக்கம் துறைமுகத்தில் பணியில் இருந்தபோது உடல்நலக்குறைவால் உயிரிழந்த தூத்துக்குடி மாவட்டத்தைச் சேர்ந்த நிஷாந்த் உடலை தாயகம் கொண்டுவர அனைத்து நடவடிக்கைகளும் மேற்கொள்ளப்படும் என துரை வைகோ எம்.பி. உறுதியளித்தார்.

துரை வைகோ தொடர் முயற்சியால், யேமனில் உயிரிழந்த தூத்துக்குடி மாலுமியின் உடல் தாயகம் திரும்புகிறது.

துரை வைகோ எம்.பி. தொடர்ந்து மேற்கொண்ட முயற்சியின் பலனாக, மாலியில் தீவிரவாதிகளால் கடத்தப்பட்ட ஐந்து இந்தியர்களில் நான்கு பேர் பாதுகாப்பாக மீட்கப்பட்டு நாடு திரும்பினர். மீட்புப் பணியில் ஈடுபட்ட வெளியுறவுத்துறை அமைச்சகம் மற்றும் இந்திய தூதரகத்திற்கு அவர் நன்றி தெரிவித்ததுடன், உயிரிழந்த முத்துசாமி பெச்சிமுத்து அவர்களுக்கு ஆழ்ந்த இரங்கலையும் தெரிவித்துள்ளார்.