மாநிலச் செய்திகள்

சுற்றுச்சூழலுக்கு பாதிப்பை ஏற்படுத்தும் சீமைக் கருவேல மரங்களை அகற்றும் பணியின் ஒரு பகுதியாக, மறுமலர்ச்சி தி.மு.க. பொதுச்செயலாளர் வைகோ திருப்போரூரில் சீமைக் கருவேல மரங்களை அகற்றும் நிகழ்வில் பங்கேற்றார். மாவட்டச் செயலாளர் பூ. லோகநாதன் ஏற்பாடு செய்த இந்நிகழ்வில் கழக நிர்வாகிகள் மற்றும் ஏராளமான கழகத் தோழர்கள் கலந்து கொண்டனர்.

சேலம் கிழக்கு மாவட்டக் கழகச் செயலாளர் சகோதரர் வ.கோபால்ராசு அவர்களின் மகன் கோ.ஆதிரை - இரா.கணேஷ்பாண்டி திருமண வரவேற்பு விழாவில் துரை வைகோ எம்.பி. கலந்து கொண்டு மணமக்களை வாழ்த்தினார்.

புதுக்கோட்டை மாவட்டம் கீரனூர் மற்றும் கருவேப்பிலான் பகுதிகளில் அரசினர் பெண்கள் மேல்நிலைப் பள்ளி, கோவில் குளம், மதுபான கடைகள் அப்புறப்படுத்துதல் உள்ளிட்ட விவகாரங்களில் 29.06.2026 அன்று துரை வைகோ எம்.பி. நேரில் ஆய்வு மேற்கொண்டார்.

கீரனூர் இரயில் நிலையத்தில் மழைநீர் தேக்கம், பழுதான கழிப்பறைகள், இருக்கை வசதி உள்ளிட்ட குறைபாடுகளை 29.06.2026 அன்று நேரில் ஆய்வு செய்து, உடனடி சீரமைப்பு நடவடிக்கைகளை ரயில்வே அதிகாரிகளுக்கு துரை வைகோ எம்.பி. வலியுறுத்தினார்.

துரை வைகோ எம்.பி., Young Indians Parliament 2026 – திருச்சி நிகழ்ச்சியைத் தொடங்கி வைத்து, ஜனநாயகம், தலைமைத்துவம் மற்றும் பொதுச் சேவையின் முக்கியத்துவத்தை மாணவர்களிடம் எடுத்துரைத்தார். எதிர்கால பொறுப்புமிக்க தலைவர்களாக உயர மாணவர்களுக்கு வாழ்த்து தெரிவித்து, அவர்களுடன் கலந்துரையாடினார்.

திரைப்பட இயக்குநர், திரைக்கதை ஆசிரியர், நடிகர், இசையமைப்பாளர் மற்றும் இதழாசிரியராக பன்முகத் திறமையுடன் விளங்கிய பாக்கியராஜ் அவர்களின் மறைவுக்கு மறுமலர்ச்சி தி.மு.க. பொதுச்செயலாளர் வைகோ ஆழ்ந்த இரங்கல் தெரிவித்துள்ளார். தமிழ் திரைப்படத்துறையிலும் இதழியல் துறையிலும் அவர் ஆற்றிய பங்களிப்பு என்றும் நினைவுகூரப்படும் என்றும், அவரது குடும்பத்தினருக்கும் ரசிகர்களுக்கும் ஆழ்ந்த அனுதாபத்தை தெரிவித்துள்ளார்.

மறுமலர்ச்சி திராவிட முன்னேற்றக் கழகத்தின் 32 ஆவது பொதுக்குழு, கழக அவைத்தலைவர் ஆடிட்டர் ஆ.அர்ஜூனராஜ் அவர்கள் தலைமையில் 27.06.2026 சனிக்கிழமை சென்னை அண்ணா நகர், விஜய்ஸ்ரீ மகாலில் நடைபெற்றது. கழகப் பொதுச்செயலாளர் வைகோ சிறப்புரை ஆற்றினார். பொருளாளர் மு.செந்திலதிபன், முதன்மைச் செயலாளர் துரை வைகோ எம்.பி., துணைப் பொதுச் செயலாளர்கள் செஞ்சி ஏ.கே.மணி, டாக்டர் ரொஹையா, புதூர் மு.பூமிநாதன், சு.ஜீவன், டாக்டர் சி.கிருஷ்ணன் மற்றும் மாவட்டக் கழகச் செயலாளர்கள் உள்ளிட்ட பொதுக்குழு உறுப்பினர்கள் கலந்து கொண்டனர்.

மறுமலர்ச்சி திராவிட முன்னேற்றக் கழகத்தின் 32 ஆவது பொதுக்குழு 27.06.2026 அன்று சென்னை விஜயஸ்ரீ மகாலில் நடைபெற்றது. ஸ்டெர்லைட் ஆலை, விவசாயிகள் கடன் தள்ளுபடி, ஈழத் தமிழர் உரிமை, மீனவர் விடுதலை உள்ளிட்ட முக்கிய தீர்மானங்கள் நிறைவேற்றப்பட்டன.

இயக்குநர் இமயம் பாரதிராஜாவின் மறைவு தமிழ் திரையுலகிற்கும், தமிழ் மக்களுக்கும் பேரிழப்பாகும். கிராமிய வாழ்க்கை, சமூகநீதி, பகுத்தறிவு, தமிழர் உரிமை ஆகியவற்றை திரைப்படங்கள் மூலம் உயர்த்திப் பேசிய அவரது கலைப் பங்களிப்பும், தமிழ்ப்பற்றும் என்றும் நிலைத்திருக்கும்.

கோவில்பட்டி அரசு மருத்துவமனை, அரசு அலுவலக வளாகம், 12 கிராமங்களை இணைக்கும் மந்திதோப்பு சாலை ஆகிய மூன்று இடங்களில் மக்களின் நலன் கருதி துரை வைகோ எம்.பி. நேரடி ஆய்வு மேற்கொண்டார்.

தமிழ்நாடு மின்வாரியத்தில் விடுபட்ட 5,493 கேங்மேன் பணியாளர்களுக்கு நியமன ஆணை வழங்கப்படும் என மின்சாரத்துறை அமைச்சர் உறுதியளித்துள்ளார். வைகோ மற்றும் துரை வைகோ எம்.பி. அவர்களின் தொடர் முயற்சியின் வெற்றி இது.

மேகதாது அணை விவகாரத்தில் தமிழ்நாட்டின் நீர் உரிமையை பாதிக்கும் எந்த நடவடிக்கையும் ஏற்க முடியாது என்று வைகோ வலியுறுத்தியுள்ளார். புதிய நடுவர் மன்றம் அமைக்கும் கோரிக்கை தமிழ்நாட்டின் சட்டப்பூர்வ நிலைப்பாட்டை பலவீனப்படுத்தும் என்றும், அனைத்துக் கட்சிகள் மற்றும் விவசாய சங்கங்களுடன் ஆலோசித்து ஒருமித்த முடிவை எடுக்க தமிழக அரசு நடவடிக்கை எடுக்க வேண்டும் என்றும் அவர் கேட்டுக்கொண்டார்.